活在主愛中 の AnGeL^0^

09年6月4日 　　星期四 　　天晴

都好耐冇update過個blog喇，最近都真係幾忙下...(不過就唔係忙攪結婚woo，

而係忙公司啲嘢)。

話時話woo，數下數下原來仲有162日就結婚喇，不過計返都仲有成半年有多，

所以都覺得暫時冇咩可嘢可以做住呀，唯有專心做好公司啲工作同埋努力練好

啲厨藝啦，都想將來煮多啲好嘢比未來老公食加嘛...嘻嘻(怕羞添)....

最近煮過嘅有......

1.冬菇蒸內餅 ---> 唔記得茖老抽呀，啲色仲白過我塊面呀，味道ok的
2.蒸水蛋
3.粟米龍柳
4.豆豉蒸排骨
5.鹵水雞翼
6.魚鬆炒娃娃菜
7.冬菇馬啼煎肉餅 ---> 好爽、好甜、好正呀
8.節瓜鹹蛋肉片湯
9.瑤柱冬瓜湯
10.炸雞翼 ---> 係鹹到有少少苦的，下次努力
11.火腿um烈
12.蝦膠煎肉餅
13.潮州魚片炒黃芽白
14.洋蔥豬扒 ---> 啲豬扒「鞋」到可以刮「痢胎」
15.鮑片娃娃菜
16.鹵水豬柳
17.疆蔥蒸魚

哈哈....原來都煮左唔少嘢woo....要努力努力煮好啲呀...^_^

至於pre-wedding已經影左，亦都睇埋相了，唔係好滿意我自己呀，反而老B

就影得好自然好靚仔呀(妒忌FEEL︰化左妝係唔同啲嘅^_^)　我基本上見到

啲相都冇咩興奮嘅感覺呀，反而因為見到隔離果個老B影得咁正而有少少

唔開心添，其實佢影得好好我係好「鄧」佢開心架，只不過見到自己咁

樣再加埋之前對輯相都有期望，再見到果啲睇到就想死嘅晚裝相，嘩!!!!!

簡直唔可以相信呀....不過最後都因為怕就唔到時間(因為新天地8月會搬)，

又怕影得仲衰過第一輯，所以都決定唔補影了，況且老B又真係影得好靚，

都唔想佢辛苦再影過呀@_@雖然話唔係好靚好鐘意輯相呀，不過最後都比$

$$$$$加左20張相連File呀(1本相簿)，可能大家都想留返個回憶掛，不過呢個

回憶都真係幾貴下呀，要成$$2000呀>_<

果晚好多謝陸叔叔太太Gloria放工趕過去陪我地揀相呀，仲係要攪到成10點先

走得果隻woo....講真如果大家問我呢，我就覺得揀想呢part係成個Pre-Wedding

入面最辛苦最辛苦果Part呀...坐左4個鐘，比個sales煩足4個鐘，冇一刻係安靜

嘅時候呀，返到屋企11點先可以食個杯面醫肚咋，個頭又痛又肚餓又攰，

果晚真係難為了陸太同陸B女了...(嘻嘻..)

2009年2月26日     星期四       天陰

新居總算入伙了，那天都算得好熱鬧....雖然沒有心目中想要的超薄電視機、亦沒有

一張很理想很漂亮的餐枱，坐的只是像大排檔般的圓橩，但最重要的就是有「你」的

相伴，有「你」細心的呵護、有「你」與我共同分擔，還有的就是有大家的歡樂笑

聲......好多謝我的未婚夫^_^

開心熱鬧過後，又要回到現實生活中了，為著婚禮的籌備，我們每一晚睡覺前的餘興

節目就是Argue....原來幫人做一點也不難，到自己做主角時就會發現有好多不同的

意見了.....最後每一晚大家都是兩敗俱傷、怒氣沖沖咁掛線睡覺了。

心中有千千結，感覺像是快要崩潰了。正所謂當局者迷，不得不找已婚好姊妹取一取

經，娟娟，今早好彩有你的相伴，如果唔係我果隻「牛角尖」好快就會轉到落地

底了.....感謝你>_^

2月4日   星期三   天晴

攬左成大半年，新居終於就快入伙了。唔搬出嚟住都唔知呀，要駛嘅$$$$真係天價

呀，未入伙就要破產了.....

朋友叫我寫下自己仲有啲咩需要，列一張清單.....嘩~~~越寫越多嘢添，好彩有啲家

電都有朋友仔認投左，可以減輕吓我地嘅負擔 ^_^ Thanks a Lot...